સુરત શહેરમાં અકસ્માતની ઘટનાઓ વધી ગઈ છે. ત્યારે સુરતમાં કતારગામ વિસ્તારમાં બનેલી એક અકસ્માતની ઘટના સામે આવી છે. આ અકસ્માતની ઘટનામાં 18 વર્ષના યુવકે પોતાનો જીવ ગુમાવ્યો છે. મળતી માહિતી અનુસાર કતારગામ વિસ્તારમાં આવેલી ગજેરા સ્કૂલ પાસે યુવકને એક ટ્રકચાલકે અડફેટેમાં લીધો હતો.

આ ઘટનામાં તેનું કરૂણ મૃત્યુ થયું હતું. મળતી માહિતી અનુસાર સુરતના પૂણાગામ વિસ્તારમાં રહેતા જેન્તીભાઈ જેઠવા સિલાઈ કામ કરીને પોતાના પરિવારનું ગુજરાન ચલાવતા હતા. જયંતીભાઈના બંને દીકરાઓ CAમાં અભ્યાસ કરે છે. મળતી માહિતી અનુસાર જેન્તીભાઈનો નાનો દીકરો અજય CAના બીજા વર્ષમાં અભ્યાસ કરતો હતો.

અજયની ઉંમર 18 વર્ષ ની હતી. CAની સાથે અજય આર.વી.પટેલ કોલેજમાં એક્ષટર્નલમાં B.comમાં અભ્યાસ કરતો હતો. શનિવારના રોજ બપોરે અસહ્ય પોતાના મિત્ર રોનક સાથે એક્ટીવા પર કતારગામ રહેતા મિત્રને મળવા આવ્યો હતો. આ દરમિયાન એક સોસાયટી પાસે રોનકને ઊભું રહેવાનું કહીને અજય પોતાના મિત્રને મળવા ગયો હતો.

આ દરમિયાન ગજેરા સ્કૂલ પાસે પૂરપાટ ઝડપે પસાર ટ્રકે અજયને અડફેટમાં લીધો હતો. જ્યારે રોનાકે અજયને ફોન કર્યો ત્યારે જાણવા મળ્યું કે અકસ્માત થયો છે. ત્યારબાદ અજયને સારવાર માટે ખાનગી હોસ્પિટલમાં ખસેડવામાં આવ્યો હતો. જ્યાં ટૂંકી સારવાર દરમિયાન અજયનું કરૂણ મૃત્યુ થયું હતું.

સમગ્ર ઘટનાને લઇને કતારગામ પોલીસે રોનક ની ફરિયાદના આધારે ટ્રક ચાલક સામે ગુનો નોંધીને તેની શોધખોળ શરૂ કરી છે. આ ઘટના બનતા જ અજયના પરિવારમાં માતમ છવાઇ ગયો હતો. અજયના મૃત્યુના કારણે માતા-પિતા પડી ભાંગ્યા હતા. અજયને એક ભાઈ અને બે બહેનો છે.

નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુરૉકઝ” વેબસાઇટ કે પેજ ની કોઈ પણ પ્રકારની જવાબદારી રહેશે નહિ.અમારી વેબસાઈટ “ગુજ્જૂરૉકઝ” પર સારા સારા સમાચાર માણતા રહો અને શેર કરતા રહો!