સોશિયલ મીડિયા પર આજકાલ એવી ઘટનાઓ સામે આવી રહી છે જે જોઈને લોકો ચોકી જાય છે. આજકાલ દેશમાં હાર્ટ એટેકની ઘટનાઓ સતત વધી રહી છે. જેમાં વૃદ્ધ હોય કે પુખ્ત વયના અને હવે તો બાળકો પણ તેનો શિકાર થવા લાગ્યા છે. તાજેતરનો કેસ મહારાષ્ટ્રમાંથી સામે આવ્યો છે, જેમાં પુણેમાં એક 14 વર્ષના છોકરાનું હૃદય રોગના હુમલા થી મૃત્યુ થયું હતું.

આ બાળક મેદાનમાં ક્રિકેટ રમવા ગયો હતો, આ ઘટના પુણેના હડસપર વિસ્તારની છે. બાળકનું નામ વેદાંત ધમણગાંવકર જણાવવામાં આવી રહ્યું છે, ઉનાળાનું વેકેશન શરૂ થતા જ વેદાંત તેના મિત્રો સાથે ક્રિકેટ રમવા ગયો હતો. તે સમયે અચાનક તેને છાતીમાં દુખાવો ઉપડ્યો હતો, જેથી તેણે તેના પિતાને આ અંગે જાણ કરી હતી.

તેના પિતાએ તેને તાત્કાલિક નજીકની હોસ્પિટલમાં દાખલ કર્યો પરંતુ ત્યાંના ડોક્ટરોએ તેને બીજી હોસ્પિટલમાં જવાનું કહ્યું. બીજી હોસ્પિટલ પહોંચતા ત્યાંના ડોક્ટરે વેદાંતને મૃત જાહેર કર્યો, ડોક્ટરોએ જણાવ્યું કે વેદાંતનું મોત ગંભીર હાર્ટ એટેક ના કારણે થયું છે.

તબીબોએ જણાવ્યું કે વેદાંતનું મૃત્યુ કુદરતી કારણોસર થયું છે, જેના કારણે વાનવાડી પોલીસ મથકે અકસ્માત મોતનો ગુનો નોંધાવવામાં આવ્યો હતો. હાર્ટ એટેક થી માત્ર 14 વર્ષના છોકરાના મૃત્યુના સમાચાર વિસ્તારમાં આગની જેમ ફેલાઈ ગયા. આ સમાચાર સાંભળી બધા ચોકી ગયા, બીજી તરફ વેદાંતના આકસ્મિક મૃત્યુથી સમગ્ર પરિવાર શોકમાં છે.

બે કોરોનરી નસો હૃદયમાં લોહીનું પરિભ્રમણ કરે છે, તેની સાથે ઓક્સિજન પણ હૃદયમાં જાય છે. હૃદયના સ્નાયુઓને જીવંત રાખવું ખૂબ જ જરૂરી છે, પરંતુ જલદી રક્ત પરિભ્રમણ અચાનક બંધ થઈ જાય છે. ત્યારે જ હૃદયના સ્નાયુઓને નુકસાન થાય છે અને આવી સ્થિતિને હાર્ટ એટેક કહેવાય છે.

બાળકોમાં હાર્ટ એટેક ખૂબ જ દુર્લભ છે, સિવાય કે હૃદયના સ્નાયુઓની અંતર્ગત બીમારી હોય. નિષ્ણાતોના મતે સ્વાસ્થ્યની સ્થિતિ માત્ર બાળકોમાં હાર્ટ એટેકની શક્યતા વધારે છે, જેના કારણે બાળકોને પણ હાર્ટ એટેક આવવાની શક્યતાઓ છે.

નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુજોકિંગ” વેબસાઇટ કે પેજ ની કોઈ પણ પ્રકારની જવાબદારી રહેશે નહિ.અમારી વેબસાઈટ “ગુજ્જુજોકિંગ” પર સારા સારા સમાચાર માણતા રહો અને શેર કરતા રહો