સુરતના રાંદેર કોઝવે બ્રીજ પર મંગળવારના રોજ મોડી સાંજે બનેલી એક ગંભીર અકસ્માતની ઘટના સામે આવી છે. મળતી માહિતી અનુસાર અહી ટેમ્પો, મોપેડ અને બાઈક વચ્ચે ટક્કર થતા ગંભીર અકસ્માત સર્જાયો હતો. આ અકસ્માતમાં બાઈકચાલક લેબર કોન્ટ્રાક્ટરનું ઘટનાસ્થળે કરુણ મૃત્યુ થયું હતું.

જ્યારે મોપેડ પર જઈ રહેલા માતા-પુત્રી માંથી પુત્રીને ગંભીર ઈજા પહોંચી હતી. આ કારણોસર તેનું મૃત્યુ થયું છે. આ ઘટનામાં બે વ્યક્તિઓ ગંભીર રીતે ઇજાગ્રસ્ત થયા હતા. તેમને સારવાર માટે ખાનગી હોસ્પિટલમાં ખસેડવામાં આવ્યા હતા.

મળતી માહિતી અનુસાર આ અકસ્માતમાં મૃત્યુ પામેલા લેબર કોન્ટ્રાક્ટર લગ્ન પ્રસંગમાં હાજરી આપી મિત્ર સાથે પરત ફરી રહ્યા હતા. મળતી માહિતી અનુસાર મૃત્યુ પામેલા લેબર કોન્ટ્રાક્ટર કતારગામમાં ભગવાન નગર સોસાયટીમાં રહેતા હતા.

તેમનું નામ મુકેશભાઈ બોધાભાઈ બારૈયા હતું અને તેમની ઉંમર 32 વર્ષની હતી. તેઓ પોતાની પત્ની અને એક પુત્ર સાથે રહેતા હતા. મળતી માહિતી અનુસાર મંગળવારના રોજ મુકેશભાઈ આશરે નવ વાગ્યાની આસપાસ પોતાના મિત્ર દિનેશભાઈને બાઈક પર બેસાડીને સિંગણપોરસાઇડથી કોઝવે બ્રીજ પર પસાર થઇ રહ્યા હતા.

ત્યારે બાઈક ની આગળ એક છોટા હાથી ટેમ્પો ચાલી રહ્યો હતો. એ જ સમયે છોટાહાથી ટેમ્પાની સામેથી સાઇડથી એકટીવા મોપેડ પર સવાર માતા અને પુત્રી પસાર થઈ રહ્યા હતા. ત્યારે મોપેડ અને ટેમ્પા વચ્ચે જબરદસ્ત થઈ હતી. આ ઘટનામાં મુકેશભાઈ ની બાઈક પણ ટેમ્પા સાથે અથડાઈ હતી.

ઘટનામાં મુકેશભાઈ બારિયાનું ઘટનાસ્થળે કરુણ મૃત્યુ થયું હતું. ઉપરાંત આ અકસ્માતમાં મોપેડ પર સવાર 43 વર્ષીય રેણુકાબેન જીતેન્દ્ર ભાઇ સોલંકી અને તેમની 23 વર્ષીય પુત્રી તન્વી સોલંકી અને મુકેશભાઈ ની બાઇકની પાછળ બેઠેલા દિનેશભાઈ ગંભીર રીતે ઇજાગ્રસ્ત થયા હતા.

જેમાં ખાનગી હોસ્પિટલમાં સારવાર દરમિયાન તન્વીનું કરૂણ મૃત્યુ થયું હતું. હાલમાં રેણુકાબેન અને દિનેશભાઈ ની સારવાર ખાનગી હોસ્પિટલમાં ચાલી રહી છે. સમગ્ર ઘટનાને લઇને રાંદેર પોલીસે ગુનો નોંધીને વધુ તપાસ હાથ ધરી છે.

નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુરૉકઝ” વેબસાઇટ કે પેજ ની કોઈ પણ પ્રકારની જવાબદારી રહેશે નહિ.અમારી વેબસાઈટ “ગુજ્જૂરૉકઝ” પર સારા સારા સમાચાર માણતા રહો અને શેર કરતા રહો!