ગુજરાતમાં રખડતા ઢોરનો ત્રાસ દિવસેને દિવસે વધી રહ્યો છે. રખડતા ઢોરના કારણે રાજ્યના અમુક વિસ્તારોમાં તો હવે લોકો ઘરની બહાર નીકળતા પહેલા પણ ડરી રહ્યા છે. તમે ઘણી એવી ઘટનાઓ સાંભળી હશે જેમાં રખડતા ઢોરની અડફેટેમાં આવતા લોકોએ પોતાનો જીવ ગુમાવ્યો હશે. ત્યારે હાલમાં ગાંધીનગરમાં બનેલી એક તેવી જ ઘટના સામે આવી રહી છે.

આ ઘટનામાં રખડતા ઢોરના કારણે વિકલાંગ માતા પિતા નોંધારા બન્યા છે. મળતી માહિતી અનુસાર ચાર દિવસ પહેલા દીકરો રાત્રિના સમયે એકટીવા પર પોતાની માતાને બેસાડીને સેક્ટર 24 તરફ જતો હતો. આ દરમિયાન એસપી કચેરી પાસે રખડતું ઢોર એકટીવા સાથે અથડાયું હતું. જેના કારણે આ ઘટનામાં માતા અને દીકરો ગંભીર રીતે ઈજાગ્રસ્ત થયા હતા. ત્યારબાદ બંનેને સારવાર માટે હોસ્પિટલ લઈ જવામાં આવ્યા હતા.

હોસ્પિટલમાં ચાર દિવસની સારવાર બાદ દીકરાનું મોત થઈ ગયું છે. સમગ્ર ઘટનાને લઈને વિગતવાર વાત કરીએ તો ગત 29 જૂનના રોજ રાત્રે 8:00 વાગ્યાની આસપાસ 27 વર્ષીય નિહાલ ગોટીલાલ શાહ તેની માતાને લઈને એકટીવા પર જઈ રહ્યો હતો. આ દરમિયાન રસ્તામાં એક ગાય આવીને તેમની એકટીવા સાથે અથડાઈ હતી.

જેના કારણે નિહાલ અને તેની માતા જમીન પર પટકાયા હતા અને ઘટનામાં બંને ગંભીર રીતે ઇજાગ્રસ્ત થયા હતા. આ ઘટનામાં નિહાલના માથાના ભાગે ગંભીર ઈજા પહોંચતી હતી. જ્યારે માતાના મોઢા અને પગના ભાગે ગંભીર ઈજા પહોંચતી હતી. મળતી માહિતી અનુસાર અકસ્માતની ઘટનામાં ગંભીર રીતે ઇજાગ્રસ્ત થયેલા નિહાલને સૌપ્રથમ સારવાર માટે ગાંધીનગરની સિવિલ હોસ્પિટલમાં લઈ જવામાં આવ્યો હતો.

ત્યાંથી વધુ સારવાર માટે અમદાવાદની ખાનગી હોસ્પિટલમાં લઈ જવામાં આવ્યો હતો. જ્યાં ચાર દિવસની સારવાર બાદ નિહાલે પોતાનો જીવ ગુમાવ્યો હતો. દીકરાનું મોત થતા જ વિકલાંગ માતા પિતા નોંધારા બન્યા છે. મા બાપની સંભાળ રાખનાર દીકરો આવ્યા આ દુનિયામાં નથી રહ્યો.

નિહાલ એક્સિસ બેન્ક માં ડેપ્યુટી મેનેજર તરીકે નોકરી કરતો હતો. તે તેના માતા પિતાનો એકનો એક દીકરો હતો. નીહાલની બેન વર્ષો પહેલા અકસ્માતમાં મોતને ભેટી હતી. બહેનના મોત બાદ વિકલાંગ માતા પિતાનું નિહાલ સંભાળ રાખતો હતો. દીકરાની માતાને હજુ પણ ખબર નથી કે તેમનો દીકરો આ દુનિયા છોડીને જતો રહ્યો છે.

નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુજોકિંગ” વેબસાઇટ કે પેજ ની કોઈ પણ પ્રકારની જવાબદારી રહેશે નહિ.અમારી વેબસાઈટ “ગુજ્જુજોકિંગ” પર સારા સારા સમાચાર માણતા રહો અને શેર કરતા રહો