માંદગીના કારણે મોરવા હડફ ના ધારાસભ્ય ભુપેન્દ્રસિંહ ખાટ નું થોડા સમય અગાઉ નિધન થતાં ચૂંટણી પંચ આ બેઠક પર પેટા ચૂંટણીની જાહેરાત કરી હતી. આગામી 17 માર્ચના રોજ આ પેટા ચૂંટણી યોજાવાની છે ત્યારે મોરવા હડફ વિધાનસભા પેટા ચૂંટણીને લઇને સ્થાનિક રાજકારણ ગરમાયું છે.
પેટા ચૂંટણીના થોડા દિવસ પહેલા જ ભાજપમાં ભડકો થયો છે અને એકસાથે અનેક સક્રિય કાર્યકર્તાઓએ ભાજપ છોડી આમ આદમી પાર્ટીનો હાથ પકડ્યો છે. આ વિધાનસભા પેટા ચૂંટણીને લઈને.
ગઈકાલે ભાજપ દ્વારા ઉમેદવારોની પસંદગી પ્રક્રિયાની શ્રી ગણેશ કરવામાં આવ્યા છે. ભાજપ દ્વારા જિલ્લા કાર્યાલય કમલમ ખાતે ઉમેદવારોની સેન્સ પ્રક્રિયા હાથ ધરાઈ હતી. દાવેદાર ઉમેદવારો મોટી સંખ્યામાં પોતાના સમર્થકો સાથે કમલમ ખાતે આવી પહોંચ્યા હતા.
વિધાનસભાની પેટાચૂંટણીમાં ત્રિકોણીયો જંગ ના એંધાણ વર્તાઇ રહ્યા છે. ભાજપ-કોંગ્રેસ બાદ આમ આદમી પાર્ટી પણ ઉમેદવાર મેદાનમાં ઉતારવા સક્રિય બન્યું છે. આમ આદમી પાર્ટી દ્વારા બેઠકોનો દોર શરૂ કરાયો છે.
અને મોરવા હડફ ના ખુંદરા ગામે કાર્યકર સ્વાગત કાર્યક્રમ યોજાયો હતો. આ કાર્યક્રમમાં ભાજપના અગ્રણી સહિત ફૂલ 300 જેટલા કાર્યકર્તાઓએ આમ આદમી પાર્ટીમાં જોડાયા છે.
ભાજપના પૂર્વ જિલ્લા પંચાયત સભ્ય સમિતિના ચેરમેન ભાણાભાઈ સહિત કેટલાક ભાજપના સમર્થિત સરપંચો, કોંગ્રેસના પણ કેટલાક પૂર્વ હોદ્દેદારો આપમાં જોડાયા છે ત્યારે પંચમહાલ ની પેટા ચૂંટણી પહેલા સર્જાતિ આ સ્થિતિ ભાજપ માટે મોટા ઝટકા સમાન છે.
મોરવા હડફ વિધાનસભા ની પેટા ચૂંટણીની જાહેરાત થતાં તમામ રાજકીય પક્ષો પોતપોતાની રીતે મતદારોને આકર્ષવા તૈયારીઓ શરૂ કરી દીધી છે.મોરવા હડફ તાલુકો હવે રાજકીય પક્ષો નો અખાડો બની ગયો છે.
ત્યારે તાજેતરમાં જ મોરવાના ઉમરદેવી ખાતે વિસ્તૃત કારોબારીની બેઠક કોંગ્રેસના પ્રદેશ પ્રમુખ અમિત ચાવડા ના અધ્યક્ષ સ્થાને બેઠક યોજાઈ હતી તો બીજી તરફ ભાજપ નો અડધો અડધ મંત્રીમંડળનો કાફલો મોરવાના રામપુર ખાતે ઉમટી પડયો હતો.
નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુરૉકઝ” વેબસાઇટ કે પેજ ની કોઈ જાત ની જવાબદારી રહેશે નહિ. અમારું પેજ “ગુજ્જૂરૉકઝ” સારા સારા સમાચાર માણતા રહો અને શેર કરતા રહો!
Be the first to comment