આજકાલ જીવ ટૂંકાવાની ઘટનાઓ ખૂબ જ વધી ગઈ છે. ત્યારે 30 વર્ષીય ટીવી એક્ટ્રેસ વૈશાલી ઠક્કરે ઈન્દોરે સ્થિત પોતાના ઘરે ગળાફાંસો ખાઈને પોતાનું જીવન ટૂંકાવ્યું હતું. આ ઘટના બનતા જ સમગ્ર ટીવી ઇન્ડસ્ટ્રીમાં ખળભળાટ મચી ગયો હતો. વૈશાલી ઠક્કરે સુસાઇડ નોટ લખીને પોતાનું જીવનનું ટૂંકાવ્યું હતું.

વૈશાલી ઠક્કર bigg boss 11 માં પણ જોવા મળી હતી. પોલીસને વૈશાલી ઠક્કરના મૃતદેહ પાસેથી સુસાઇડ નોટ મળી આવી હતી. સુસાઇડ નોટ વાંચ્યા બાદ એવું લાગી રહ્યું છે કે તેનો એક્સ બોયફ્રેન્ડ તેને હેરાન કરતો હતો. જેના કારણે વૈશાલી એ આ પગલું ભર્યું છે. વૈશાલી ઠક્કર યે રિશ્તા ક્યા કહેલાતા હે સિરીયલમાંથી ફેમસ થઈ હતી.

મિત્રો વૈશાલીએ લખેલી સુસાઇડ નોટમાં ખૂબ જ મોટા ખુલાસાઓ થયા છે. સુસાઇડ નોટની અંદર વૈશાલીએ રાહુલ નવલાણી અને તેની પત્ની દિશા નવલાણી તેને માનસિક ત્રાસ આપતા હતા તેવો આરોપ લગાવ્યો છે. સુસાઇડ નોટ ના આધારે પોલીસે દંપત્તિ વિરુદ્ધ કલમ 306 નો કેસ નોંધ્યો છે. રવિવારના રોજ પોલીસે આરોપી રાહુલને કસ્ટડીમાં લીધો હતો.

પોલીસે આરોપી રાહુલની પૂછપરછ શરૂ કરી છે. મળતી માહિતી અનુસાર શનિવારના રોજ રાત્રિના સમયે વૈશાલીએ ઘરમાં પોતાના દુપટ્ટા સાથે ગળાફાંસો ખાઈને પોતાનું જીવન ટૂંકાવ્યું હતું. સુસાઇડ નોટની અંદર વૈશાલી ઠક્કરે લખ્યું છે કે, રાહુલ મને પરેશાન કરે છે. તેણે મારી મિત્રતાનો લાભ લીધો છે. રાહુલે મને એટલો ત્રાસ આપ્યો કે મારે સુસાઇડ કરવું પડ્યું. રાહુલે મારી સાથે છેતરપિંડી કરીને મારા ફોટા પાડી લીધા છે.

પછી આ ફોટા અને વિડિયો મારા મંગેતર અભિનંદન ને મોકલવામાં આવ્યા. ત્યાર પછી વૈશાલી અને અભિનંદન ની સગાઈ તૂટી ગઈ હતી. વૈશાલી એ ડાયરીના છેલ્લા પેજમાં લખ્યું છે કે, પપ્પા ભાઈ તમને ખૂબ જ પ્રેમ કરું છું. પરંતુ રાહુલ અને પહેલી છોકરીને સજા અપાવજો. વૈશાલીએ સુસાઇડ નોટમાં ઉલ્લેખ કર્યો હતો કે રાહુલે તેને 2.5 વર્ષથી વધારે સમયથી પરેશાન કરતો હતો.

પોલીસે વૈશાલી એ લખેલી સુસાઇડ નોટ, ડાયરી અને મોબાઈલ ફોન કબ્જે કરીને આગળની કાર્યવાહી હાથ ધરી છે. વૈશાલીના સગા સંબંધીઓ સિવાય સુસાઇડ નોટમાં લખેલા નામો સામે કાયદેસરની પૂછપરછ શરૂ છે. આ ઉપરાંત મોબાઇલ કોલ રેકોર્ડિંગ અને મેસેજની પણ તપાસ કરવામાં આવી રહી છે. સમગ્ર ઘટનાની તપાસ પૂર્ણ થયા બાદ આ ઘટનાને લઈને આગળની કાર્યવાહી થશે.

નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુરૉકઝ” વેબસાઇટ કે પેજ ની કોઈ પણ પ્રકારની જવાબદારી રહેશે નહિ.અમારી વેબસાઈટ “ગુજ્જૂરૉકઝ” પર સારા સારા સમાચાર માણતા રહો અને શેર કરતા રહો