સુરત શહેરમાં અકસ્માતની ઘટનાઓ દિવસેને દિવસે વધી રહે છે. ત્યારે સુરતમાં બનેલી વધુ એક કાળજુ કંપાવી દેનારી અકસ્માતની ઘટના સામે આવી રહી છે. સુરતના સચિનના ગભેણી-બુડિયા વચ્ચે બાઈક સવાર ત્રણ મિત્રોને એક ટ્રક ચાલકે જોરદાર ટક્કર લગાવી હતી. ટક્કર એટલી જોરદાર હતી કે આ ઘટનામાં બે મિત્રોની નજર સામે એક મિત્રનું કરુણ મોત થયું હતું.

અકસ્માતની ઘટનામાં બાઈક ચલાવનાર યુવકનું મોત થયું છે. જ્યારે પાછળ બેઠેલા બે યુવકોમાં એક યુવકના ડાબા પગ ઉપર ટ્રક ચડી ગયો હતો. હાલમાં સમગ્ર ઘટનાને લઈને પોલીસે અજાણ્યા ટ્રક ચાલક સામે ગુનો નોંધીને તપાસ શરૂ કરી દીધી છે. સમગ્ર ઘટનાને લઈને વિગતવાર વાત કરીએ તો સચિનના ગભેણી ગામમાં સારંગ ફળિયામાં પરિવાર સાથે રહેતો 21 વર્ષનો વિનમ્ર ખલાસી નામનો યુવક પરિવારનો મોટો દીકરો હતો.

તે પોતાના એક નાના ભાઈ અને માતા પિતા સાથે રહેતો હતો. વિનમ્રના પિતા મિલમાં ડિઝાઇનર તરીકે કામ કરે છે. જ્યારે વિનમ્ર ડીઆરબી કોલેજનો વિદ્યાર્થી હતો. તે કોલેજના બીજા વર્ષમાં અભ્યાસ કરતો હતો. મળતી માહિતી અનુસાર વિનમ્ર પોતાની બાઇક પર પોતાના મિત્રને કામ પરથી પરત ઘરે લઈને આવતો હતો. આ દરમિયાન એક અજાણ્યા ટ્રક ચાલકે તેમની બાઈકને જોરદાર ટક્કર લગાવતી હતી.

ટક્કર એટલી જોરદાર હતી કે બાઈક પર સવાર ત્રણેય મિત્રો જમીન પર પટકાયા હતા. આ અકસ્માતની ઘટનામાં એક મિત્રનો આબાદ બચાવ થયો હતો. જ્યારે વિનમ્ર અને તેના મિત્ર ધ્રુવ ગંભીર રીતે ઇજાગ્રસ્ત થયા હતા. અકસ્માતની ઘટના બન્યા બાદ બંનેને ઇજાગ્રસ્ત હાલતમાં સારવાર માટે ખાનગી હોસ્પિટલમાં લઈ જવામાં આવ્યા હતા.

જ્યાં હોસ્પિટલમાં હાજર ડોક્ટર દ્વારા વિનમ્રને મૃત જાહેર કરવામાં આવ્યો હતો. જ્યારે આ અકસ્માતની ઘટનામાં ધ્રુવનો ડાબો પગ કચડાઈ ગયો હતો, તેનું તાત્કાલિક ઓપરેશન કરવામાં આવ્યું હતું. વિનમ્રનું મોત થતા જ તેમના પરિવારમાં માતમ છવાઈ ગયો હતો. હાલમાં તો પોલીસે અજાણ્યા ટ્રક ચાલક વિરુદ્ધ ગુનો નોંધીને વધુમાં તપાસ હાથ ધરી છે.

નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુજોકિંગ” વેબસાઇટ કે પેજ ની કોઈ પણ પ્રકારની જવાબદારી રહેશે નહિ.અમારી વેબસાઈટ “ગુજ્જુજોકિંગ” પર સારા સારા સમાચાર માણતા રહો અને શેર કરતા રહો