આજે આપણે ગુજરાતના એક મંદિરની વિષે વાત કરવા જઈ રહ્યા છીએ. કહેવાય છે કે, આ મંદિરમાં ચોખાનું દાન કરવાથી જન્મો જનમની ગરીબી દૂર થાય છે! તમે સૌ જાણતા જ હશો કે, દ્વારકાધીશના મંદિરમાં ચોખાનું દાન કરવામાં આવે છે. ચાલો આજે આપણે જાણીએ અહીં શા માટે ચોખાનું દાન કરવામાં આવે છે.
એવું કહેવામાં આવે છે કે, દ્વારકા નગરી શ્રીકૃષ્ણની અંતિમ નિવાસ ભૂમિ છે. જ્યાં દ્વારકાધીશે અનેક લીલાઓ રચી છે. આ ભૂમિમાં ભગવાન દ્વારકાધીશ સુદામા, પાંડવ, દ્રૌપદી અને નરસિંહ મહેતાના વ્હારે પહોંચ્યા હતા. દ્વારકા તો મોટેભાગના લોકો ગયા હશે પરંતુ તેમાંથી ઘણા ઓછા લોકો જાણતા હશે કે દ્વારકા ત્રણ ભાગમાં વહેંચાયેલું છે.
મૂળ દ્વારકા, બેટ દ્વારકા અને ગોમતી દ્વારકા. જેમાં મૂળ દ્વારકાને સુદામાપૂરી પણ કહેવામાં આવે છે. કારણ કે, અહીં સુદામા રહેતા હતા. બેટ દ્વારકાને ભગવાનનું નિવાસ સ્થાન કહેવામાં આવે છે. કારણ કે, અહીં તેઓ તેમની આઠ પટરાણીઓ સાથે રહેતા હતા.
ગોમતી દ્વારકા પર ભગવાન શ્રી કૃષ્ણ રાજ કરતા હતા. આપણે ઘણા લોકોને બેટ દ્વારકાને ભેટ દ્વારકા કહેતા પણ સાંભળ્યું હશે. કારણ કે, અહીં ભગવાન શ્રી કૃષ્ણએ પોતાના મિત્ર સુદામાને અમૂલ્ય ભેટ આપી હતી.
જણાવી દઈએ કે, દ્વારકામાં ભગવાન શ્રી કૃષ્ણ અને સુદામાની મૂર્તિની પૂજા થાય છે. અહીં ભક્તો દ્વારા ચોખાનું દાન કરવામાં આવે છે. એવી માન્યતા છે કે, અહીં જો ચોખાનું દાન કરવામાં આવે તો જન્મો જનમની ગરીબી પણ દૂર થઈ જાય છે.
