આજકાલ અકસ્માતની ઘટનાઓ દિવસેને દિવસે વધી રહી છે. અત્યાર સુધીમાં ઘણા નિર્દોષ એ અકસ્માતમાં પોતાના જીવ ગુમાવ્યા હશે. મળતી માહિતી મુજબ તાલુકા પાસેની અકસ્માતની ઘટના સામે આવી છે. દિયોદર તાલુકાના સણાવ ગામની દંપતિ દિયોદરમાં બીમાર દીકરાની સારવાર કરાવી ગુરુવારે તેમની બાઇક લઇને પરત આવતા હતા.

તે દરમિયાન ભાભર તાલુકાના ખારી ગામ પાસે રોંગ સાઈડમાં આવતા એક ટ્રેક્ટર રોડ ક્રોસ કરતી વખતે બાઇકને ટક્કર લગાવી હતી અને પત્નીની નજર સામે જ પતિનું મૃત્યુ થયું હતું.

અકસ્માતમાં પત્ની સહિત બે અન્ય વ્યક્તિઓ ઈજાગ્રસ્ત થયા હતા તેઓને સારવાર માટે તાત્કાલિક હોસ્પિટલમાં ખસેડવામાં આવ્યા હતા.

મળતી માહિતી મુજબ અકસ્માતમાં દિયોદરના સણાવ ગામના મનસુખભાઈ ગગાજી ચાવડા(ઉંમર 40 વર્ષ)નું મૃત્યુ થયું છે. આ ઉપરાંત મનસુખભાઈ ના પત્ની મંજુબેન અને તેમનો દીકરો પરેશજીને અકસ્માતમાં ગંભીર ઇજા પહોંચી હતી.

અકસ્માતની જાણ થતા 108 તાત્કાલિક ઘટનાસ્થળે પહોંચી હતી અને ઈજાગ્રસ્ત લોકોને સારવાર માટે હોસ્પિટલમાં ખસેડાયા હતા.

પોલીસની અકસ્માતની જાણ થતા પોલીસ તાત્કાલિક ઘટનાસ્થળે પહોંચી આવી હતી. અકસ્માતમાં બાઇક નો આગળ નો ભાગ ભાંગીને ભુક્કો થઈ ગયો હતો. અને ટ્રેક્ટર રોડની સાઈડમાં નીચે ઉતરી ગયું હતું.

નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુરૉકઝ” વેબસાઇટ કે પેજ ની કોઈ પણ પ્રકારની જવાબદારી રહેશે નહિ.અમારી વેબસાઈટ “ગુજ્જૂરૉકઝ” પર સારા સારા સમાચાર માણતા રહો અને શેર કરતા રહો!