ગુજરાત રાજ્યમાં છેલ્લા થોડા દિવસોથી કરંટ લાગવાના બનાવો ખૂબ જ વધી ગયા છે. ત્યારે વધુ એક યુવકને વીજ કરંટ લાગ્યો છે, આ કારણોસર યુવકનું કરુણ મૃત્યુ નીપજ્યું છે. કેશોદના સોંદરડા ગામે કાર સર્વિસ સ્ટેશનમાં એક યુવક ઇલેક્ટ્રિક મોટર ચાલુ કરવા જાય છે.
આ દરમિયાન તેને વીજ કરંટ લાગે છે અને તેનું કરૂણ મૃત્યુ થાય છે. આ ઘટના બનતા જ ઘટના સ્થળે ભારે અફરાતફરી મચી ગઇ હતી. યુવકના મૃત્યુના સમાચાર સાંભળીને પરિવારમાં શોકનું વાતાવરણ છવાઇ ગયું હતું. સોંદરડા ગામે વિપુલભાઈ ભરતભાઈ ભરડાનું દેવીકૃપા નામનું ગેરેજ આવેલું છે.
અહીં વિમલ નામનો યુવક પાણીની મોટર ચાલુ કરવા જાય છે. જ્યારે વિમલ પાણીની મોટર શરૂ કરી રહ્યો હોય છે. ત્યારે તેને વીજ કરંટ લાગે છે. આ કારણોસર વિમલ ગંભીર રીતે ઈજાગ્રસ્ત થયો હતો. આ ઘટના બની ત્યારે આસપાસ કોઈ પણ હાજર ન હતું.
અહીંથી એક વ્યક્તિ પસાર થયો તેને વિમલને ઇજાગ્રસ્ત હાલતમાં જોયો હતો. ત્યારબાદ તે વ્યક્તિએ આ ઘટનાની જાણ આજુબાજુના લોકોને કરી હતી. ઘટનાની માહિતી મળતા જ લોકો ઘટનાસ્થળે એકઠા થઇ ગયા હતા અને આ ઘટનાની જાણ 108ની ટીમે કરી હતી.
ત્યારબાદ વિમલને 108ની મદદથી સારવાર માટે હોસ્પિટલ ખસેડવામાં આવ્યો હતો. પરંતુ ત્યાં હાજર ડોક્ટરે વિમલને મૃત જાહેર કર્યો હતો. વિમલના મૃત્યુના સમાચાર સાંભળીને પરિવારમાં શોકનું મોજું ફરી વળ્યું હતું. આ ઘટનાની જાણ થતા પોલીસ તાત્કાલિક હોસ્પિટલ પહોંચી આવી હતી.
પોલીસે સમગ્ર ઘટનાને લઇને આગળની કાર્યવાહી હાથ ધરી છે. આકસ્મિક રીતે વિમલ નું મૃત્યુ થતાં તેના મિત્રો અને ગામના લોકોમાં શોકનું મોજું ફરી વળ્યું હતું. હાલમાં સમગ્ર ઘટનાને લઈને પોલીસે આગળની કાર્યવાહી હાથ ધરી છે.
નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુરૉકઝ” વેબસાઇટ કે પેજ ની કોઈ પણ પ્રકારની જવાબદારી રહેશે નહિ.અમારી વેબસાઈટ “ગુજ્જૂરૉકઝ” પર સારા સારા સમાચાર માણતા રહો અને શેર કરતા રહો
Be the first to comment