માં મોગલના પરચા તો અપરંપાર છે. માતાજી પોતાના ચરણમાં આવતા દરેક ભક્તોની મનોકામના પૂરી કરે છે. એટલે જ માં મોગલને અઢારે વરણની માતા કહેવાય છે. અત્યાર સુધીમાં માતાજીએ લાખો ભક્તોને પરચા બતાવ્યા છે અને લાખો લોકોની મનોકામનાઓ પણ પૂરી કરી છે.
આ દરમિયાન, આજે આપણે કબરાઉમાં બેઠેલી માં મોગલના વધુ એક પરચા વિશે વાત કરવાના છીએ. વાત કરીએ તો એક વ્યક્તિ એક લાખ રૂપિયા લઈને કબરાઉધામ પહોંચી આવ્યા હતા. અહીં તેમણે માં મોગલના આશીર્વાદ લીધા હતા અને બાદમાં મણીધર બાપુને મળ્યા હતા.
ત્યારે મણીધર બાપુએ એક વ્યક્તિને પૂછ્યું કે, તમારે શેની માનતા હતી. ત્યારે વ્યક્તિએ જણાવ્યું કે, મારા એક લાખ રૂપિયા ખોવાઈ ગયા હતા અને આર્થિક પરિસ્થિતિ પણ ખૂબ જ કમજોર બની ગઈ હતી. એટલે મેં માં મોગલની માનતા માની હતી. માતાજીના આશીર્વાદ સાથે હતા જેથી પૈસા પાછા આવી ગયા હતા.
પછી વ્યક્તિ એક લાખ રૂપિયા લઈને પોતાની માનતા પૂરી કરવા માટે આવ્યા હતા. અહીં તેમણે મણીધર બાપુને લાખ રૂપિયા આપ્યા ત્યારે બાપુએ તેમાં એક રૂપિયાની નોટ ઉમેરીને તે પૈસા તેમને પરત આપી દીધા હતા અને જણાવ્યું કે, માં મોગલે તારી 5100 વખત માનતા સ્વીકારી છે. વધુમાં મણીધર બાપુએ જણાવ્યું કે, માં મોગલને કોઈપણ પ્રકારના દાન ભેટની જરૂર નથી.
