ગુજરાતમાં બનેલી વધુ એક અકસ્માતની ઘટના સામે આવી રહી છે. આ ઘટનામાં જેતપુર બાયપાસ રોડ ઉપર એક અકસ્માતની ઘટના બની હતી. બધી માહિતી અનુસાર એક પરિવાર કારમાં જતું હતું, ત્યારે અચાનક જ કારનું ટાયર ફાટ્યું હતું. જેના કારણે કાર પલટી ખાઈ ગઈ હતી.
આ અકસ્માતની ઘટનામાં કારમાં સવાર ચાર વ્યક્તિઓમાંથી પતિ-પત્ની અને તેની ભત્રીજીને ગંભીર ઈજા પહોંચી હતી. જ્યારે યુવાન ભત્રીજાનું અકસ્માતમાં ઘટનાસ્થળે કરુણ મોત થયું હતું. આ ઘટના બનતા જ મૃતક યુવકના પરિવારમાં માતમ છવાઈ ગયો હતો. અકસ્માતની ઘટના બની એકઠા થઈ ગયા હતા અને પોલીસ પણ પોતાની ટીમ સાથે ઘટના સ્થળે પહોંચી આવી હતી.
સમગ્ર ઘટનાને લઈને વિગતવાર વાત કરીએ તો, રાજકોટના રહેવાસી હર્ષદભાઈ હરિભાઈ કાલરીયા તેમની પત્ની ડિમ્પલબેન, 7 વર્ષની ભત્રીજી બિરવા બાલકૃષ્ણ કાલરીયા અને 23 વર્ષનો ભત્રીજો હર્ષ કિશનભાઇ કાલરીયા સાથે બાંટવા તાલુકાના દડવા ગામે માતાજીના માતાજીના મંદિરે દર્શન કરવા માટે ગયા હતા.
અહીં તેઓ માતાજીના દર્શન કર્યા બાદ પોતાની કારમાં રાજકોટ ઘરે આવવા માટે નીકળ્યા હતા. ત્યારે જુનાગઢ રોડથી જેતપુર બાયપાસ રોડ ઉપર ચડતા જ તેમની કારનું ટાયર અચાનક જ ફાટી ગયું હતું. જેના કારણે કારચાલકે સ્ટેરીંગ પરથી કાબુ ગુમાવ્યો હતો અને કાર પલટી ખાઈ ગઈ હતી.
આ અકસ્માતની ઘટનામાં હર્ષદભાઈ ડિમ્પલબેન અને તેમની સાત વર્ષની ભત્રીજી ગંભીર રીતે ઇજાગ્રસ્ત થયા હતા. જ્યારે આ ઘટનામાં હર્ષદભાઈના ભત્રીજા હર્ષને માથાના ભાગે ગંભીર ઈજા પહોંચી હતી એટલે તેને હેમરેજ થઈ ગયું હતું અને તેનું ઘટનાસ્થળે જ મોત થયું હતું.
નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુજોકિંગ” વેબસાઇટ કે પેજ ની કોઈ પણ પ્રકારની જવાબદારી રહેશે નહિ.અમારી વેબસાઈટ “ગુજ્જુજોકિંગ” પર સારા સારા સમાચાર માણતા રહો અને શેર કરતા રહો
Be the first to comment