હાલમાં સોશિયલ મીડિયા પર અકસ્માતની ઘટનાઓ ના વિડીયો ખૂબ જ વાયરલ થઈ રહ્યા છે. દિવસે ને દિવસે રોડ અકસ્માતમાં સતત વધારો થઈ રહ્યો છે, રોડ અકસ્માત દરમિયાન ઘણા લોકો એ પોતાના જીવ ગુમાવ્યા છે. અમુક રોડ અકસ્માત તો એટલા ખતરનાક હોય છે જેને જોઈને આપણું હૃદય દ્રવી ઉઠે છે.

હાલમાં આવો જ એક અકસ્માત હાલોલ બાયપાસ ઉપર આવેલા જ્યોતિ સર્કલ ઉપર મોટરસાયકલ અને કન્ટેનર વચ્ચે સર્જાયો હતો. જેમાં મોટરસાયકલ ઉપર સવાર મહિલા ઉપર કન્ટેનરના તોતિંગ પૈડા ફરી વળતા મહિલાનું ઘટના સ્થળે જ કરુણ મોત નીપજ્યું છે. મહિલા વડોદરા નજીકના ભણીયારા ગામની હોવાનું જાણવા મળ્યું છે.

જે તેના પતિ સાથે મોટરસાયકલ ઉપર હાલોલ તરફ આવી રહી હતી ત્યારે કન્ટેનર ચાલકે ગોધરા તરફનો ટર્ન લેતા અકસ્માત સર્જાયો હતો. પોલીસે બનાવ સ્થળે પહોંચી વધુ તપાસ હાથ ધરી છે. વિગતવાર જાણીએ તો વડોદરા નજીક આવેલા ભણિયારા ગામે રહેતા નરસિંહભાઈ સોલંકી આજે બપોરે મોટરસાયકલ ઉપર તેમની પત્ની મંગુબેનને બેસાડીને હાલોલ તાલુકાના અભેટવા નજીક આવેલા ગણેશપુરી ગામે તેમના સંબંધના ઘરે જવા નીકળ્યા હતા.

હાલોલ ટોલ પ્લાઝા ઓળંગી તેઓની મોટરસાયકલ હાલોલના જ્યોતિ સર્કલ પહોંચી હતી. નરસિંહભાઈએ મોટરસાયકલ લઈ હાલોલ તરફ આવવાનું હતું ત્યારે વડોદરા તરફથી આવેલા કન્ટેનર ચાલકે ગોધરા તરફ જવાનું હોવાથી ડાબી તરફ ટર્ન લેતા નરસિંહભાઈ ની મોટર સાઇકલને અડફેટે લીધી હતી.

અકસ્માતમાં બાઈકને ટક્કર વાગતા નરસિંહભાઈ અને મંગુબેન બંને રોડ ઉપર પટકાયા હતા. કન્ટેનરના પૈડા મંગુબેન પર ફરી વળતાં તેમનું ઘટના સ્થળે જ મૃત્યુ થયું હતું. બનાવની જાણ હાલોલ પોલીસને થતા પોલીસ ઘટના સ્થળે પહોંચી જરૂરી કાર્યવાહી હાથ ધરી હતી અને અકસ્માતમાં નરસિંહભાઈને સામાન્ય ઇજા પહોંચી છે.

નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુજોકિંગ” વેબસાઇટ કે પેજ ની કોઈ પણ પ્રકારની જવાબદારી રહેશે નહિ.અમારી વેબસાઈટ “ગુજ્જુજોકિંગ” પર સારા સારા સમાચાર માણતા રહો અને શેર કરતા રહો