રાજકોટમાં બનેલી એક ભયંકર અકસ્માતની ઘટના સામે આવી રહી છે. રાજકોટમાં વહેલી સવારે ભૂતકાળના ચોક પાસે એસ.ટી બસ એકટીવા સવાર યુવકને જોરદાર ટક્કર લગાવી હતી. ટક્કર એટલી જોરદાર હતી કે અકસ્માતની ઘટનામાં એકટીવા પર સવાર યુવક ફૂટબોલની જેમ હવામાં ફંગોળાઈને રોડ પર પડ્યો હતો. આ ઘટનામાં તે ગંભીર રીતે ઈજાગ્રસ્ત થયો હતો.

ત્યારબાદ યુવકને સારવાર માટે સિવિલ હોસ્પિટલ ખાતે લઈ જવામાં આવ્યો હતો. જ્યાં ટૂંકી સારવાર દરમિયાન યુવકનું મોત થયું હતું. પ્રાથમિક તપાસમાં જાણવા મળી રહ્યું છે કે મૃત્યુ પામેલો યુવક વહેલી સવારે ચા પીવા માટે નીકળ્યો હતો.

ત્યારે તેની સાથે રસ્તામાં આ ભયંકર અકસ્માતની ઘટના બની હતી અને તેને પોતાનો જીવ ગુમાવ્યો હતો. હાલમાં સમગ્ર ઘટનાને લઈને પોલીસે વધુમાં તપાસ હાથ ધરી છે. મૃત્યુ પામેલા યુવકનું નામ વિપ્લવ હતું અને તેની ઉંમર 21 વર્ષની હતી. મળતી માહિતી અનુસાર યુવક વહેલી સવારે 5:00 વાગ્યાની આસપાસ પોતાના શેઠની એકટીવા લઈને ચા પીવા સહિતના કામ કરવા માટે નીકળ્યો હતો.

આ દરમિયાન ભૂતખાના ચોક નજીક ST બસે યુવકને અડફેટેમાં લીધો હતો. આ ઘટનામાં યુવક ગંભીર રીતે ઈજાગ્રસ્ત થયો હતો. ત્યારબાદ આસપાસના લોકો તેને સારવાર માટે સિવિલ હોસ્પિટલમાં લઈ ગયા હતા. તેને ગંભીર ઇજા પહોંચી હોવાના કારણે ઓપરેશન થિયેટરમાં લઈ જવામાં આવ્યો હતો.

જ્યાં સારવાર દરમિયાન યુવકે પોતાનો જીવ ગુમાવ્યો હતો. આ ઘટનાની માહિતી મળ્યા બાદ એ ડિવિઝન પોલીસની ટીમ ઘટના સ્થળે એટલે કે હોસ્પિટલ ખાતે પહોંચી આવી હતી. ત્યાં યુવક પાસે મળેલા ફોનના આધારે તેની ઓળખ કરવામાં આવી હતી અને પછી આ ઘટનાની જાણ તેના પરિવારજનોને કરવામાં આવી હતી.

યુવક સોની કામ કરતો હતો અને પોતાના પરિવારનું ગુજરાન ચલાવતો હતો. જાણવા મળી રહ્યું છે કે મૃત્યુ પામેલો યુવક ચાર મહિના પહેલા જ રાજકોટમાં રહેવા આવ્યો હતો. હાલમાં સમગ્ર ઘટનાને લઈને પોલીસે વધુમાં તપાસ હાથ ધરી છે.

નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુજોકિંગ” વેબસાઇટ કે પેજ ની કોઈ પણ પ્રકારની જવાબદારી રહેશે નહિ.અમારી વેબસાઈટ “ગુજ્જુજોકિંગ” પર સારા સારા સમાચાર માણતા રહો અને શેર કરતા રહો