ગુજરાત રાજ્યમાં અકસ્માતની ઘટનાઓ દિવસેને દિવસે વધી રહી છે. તમે ઘણી એવી અકસ્માતની ઘટનાઓ સામે આવી છે જેમાં એક જણાની બેદરકારીના કારણે અન્ય લોકોએ પોતાનો જીવ ગુમાવવો પડે છે. ત્યારે મહેસાણામાં બનેલી એક ગંભીર અકસ્માતની ઘટના સામે આવી છે.

અહીં બેચરાજી ખાતે ગંભીર અકસ્માતની ઘટના બની હતી. અહીં એક યુવક રોડ પર કુદરતી હાજતે જઇ રહ્યા હતા. આ દરમિયાન પૂરપાટ ઝડપે આવતા એક ટ્રક ચાલકે તેને અડફેટેમાં લીધો હતો. આ કારણોસર તેનું કરુણ મૃત્યુ નીપજયું હતું. અકસ્માતની ઘટના બન્યા બાદ ટ્રક ચાલક ઘટના સ્થળેથી ફરાર થઇ ગયો હતો.

મૃત્યુ પામેલા યુવકનું નામ પહલાદસંગ હતું. તે બેચરાજી તાલુકામાં આવેલા ઇન્દ્રપ ગામે રહેતો હતો. મળતી માહિતી અનુસાર પહલાદસંગ પોતાની દુકાનેથી કુદરતી હાજતે જવા માટે નીકળ્યા હતા. આ દરમિયાન પાછળથી આવી રહેલા એક બેકાબૂ ટ્રકે પહલાદસંગને જબરદસ્ત ટક્કર લગાવી હતી.

આ અકસ્માતની ઘટનામાં તેઓ ગંભીર રીતે ઇજાગ્રસ્ત થયા હતા. અકસ્માતના પગલે આસપાસના લોકો ઘટના સ્થળે દોડી આવ્યા હતા. તમામ લોકોએ ભેગા મળીને પહલાદસંગને ખાનગી હોસ્પિટલ મારફતે મહેસાણાની સિવિલ હોસ્પિટલમાં લઈ ગયા હતા.

ત્યાં હાજર ડોક્ટરે પહલાદસંગને મૃત જાહેર કર્યા હતા. તેમનું મૃત્યુ થતાં જ પરિવાર અને ગામના લોકોમાં માતમ છવાઇ ગયો હતો. મળતી માહિતી અનુસાર અકસ્માતની ઘટના બન્યા બાદ અજાણ્યા ટ્રક ચાલક ઘટના સ્થળેથી ફરાર થઇ ગયો હતો.

હાલમાં આ સમગ્ર ઘટનાને લઈને મૃત્યુ પામેલા વ્યક્તિને ભાઈ બેચરાજી તાલુકા પોલીસ મથકમાં અજાણ્યા ટ્રક ચાલક સામે ફરિયાદ નોંધાવી છે. સમગ્ર ઘટનાને લઈને પોલીસે ફરિયાદ નોંધીને અજાણ્યા ટ્રક ચાલકની શોધખોળ શરૂ કરી છે.

નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુરૉકઝ” વેબસાઇટ કે પેજ ની કોઈ પણ પ્રકારની જવાબદારી રહેશે નહિ.અમારી વેબસાઈટ “ગુજ્જૂરૉકઝ” પર સારા સારા સમાચાર માણતા રહો અને શેર કરતા રહો