આજકાલ અકસ્માતની ઘટનાઓ ખુબ જ વધી ગઈ છે. અમે ઘણી એવી અકસ્માતની ઘટનાઓ સાંભળે છે. જેમાં પરિવારમાં ખુશીના માહોલમાં એક જ ક્ષણમાં માતમમાં ફેરવાઇ જતા હોય છે. ત્યારે સોમવારના રોજ રાત્રે બનેલી એક ગંભીર અકસ્માતની ઘટના સામે આવી છે. આ અકસ્માતની ઘટનામાં એક આઈસર ટેમ્પાના ચાલકે 7 લોકોને અડફેટેમાં લીધા હતા.

તેમાંથી 3 લોકોના કરૂણ મૃત્યુ થયા છે અને ઈજાગ્રસ્ત થયેલા લોકોને સારવાર માટે હોસ્પિટલ ખસેડવામાં આવ્યા છે. મળતી માહિતી અનુસાર રાઠોડ પરિવારના ઘરે લગ્ન સમારોહ ચાલી રહ્યો હતો. રાત્રે 10.15 વાગ્યા સુધીમાં રિસેપ્શનમાં મહેમાનોની અવરજવર જોવા મળી હતી.

ત્યારે બગીચા ની સામે કેટલાક મહેમાનોની ભીડ હતી. આ દરમિયાન ત્યાંથી પસાર થઇ રહેલા એક બેકાબૂ આઈસર ચાલકે 7 લોકોને અડફેટમાં લીધા હતા. આ અકસ્માતની ઘટનામાં કાકા, ભત્રીજા અને ભત્રીજીનું કરૂણ મૃત્યુ થયું હતું.  મળતી માહિતી અનુસાર આઇસર ટેમ્પા ચાલકે સૌ પ્રથમ 2 બાઈકને ટક્કર લગાવી હતી અને ત્યારબાદ બગીચાની સામે ઉભેલા મહેમાનોને અડફેટેમાં લીધા હતા.

અકસ્માતની ઘટના બન્યા બાદ રોષે ભરાયેલા લોકોએ ટ્રક ડ્રાઈવરને પકડી પાડ્યો સૌપ્રથમ તેની ધોલાઈ કરી અને ત્યાર બાદ પોલીસને સોંપી દીધો હતો. અકસ્માતની ઘટનામાં 62 વર્ષીય કાકા ગેન્દાલાલ રાઠોડ, તેમનો ભત્રીજો વિશાલ રાઠોડ અને 7 વર્ષીય ભત્રીજી ખુશી રાઠોડનું કરૂણ મૃત્યુ થયું છે.

એકસાથે પરિવારના ત્રણ સભ્યોના મૃત્યુ થતાં પરિવારમાં માતમ છવાઇ ગયો હતો. જ્યારે આ અકસ્માતની ઘટનામાં અન્ય ચાર લોકો ગંભીર રીતે ઇજાગ્રસ્ત થયા હતા તેમને સારવાર માટે હોસ્પિટલ ખસેડવામાં આવ્યા હતા. મળતી માહિતી અનુસાર આઈસર ચાલકે નશાની હાલતમાં મહેમાનોને અડફેટેમાં લીધા હતા.

આ ઘટના બનતા જ ચારે બાજુ બૂમાબૂમ થઈ ગઈ હતી. ઘટનાની જાણ થતાં પોલીસ અને એમ્બ્યુલન્સ ઘટનાસ્થળે પહોંચી આવી હતી. ઇજાગ્રસ્ત લોકોને સારવાર માટે હોસ્પિટલ ખસેડવામાં આવ્યા હતા. પોલીસે સમગ્ર ઘટનાને લઇને આઇસર ટેમ્પા ચાલક સામે ગુનો નોંધીને આગળની કાર્યવાહી હાથ ધરી છે.

નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુરૉકઝ” વેબસાઇટ કે પેજ ની કોઈ પણ પ્રકારની જવાબદારી રહેશે નહિ.અમારી વેબસાઈટ “ગુજ્જૂરૉકઝ” પર સારા સારા સમાચાર માણતા રહો અને શેર કરતા રહો!