મુખ્યમંત્રી અરવિંદ કેજરીવાલ ‘ઘર  ઘર રાશન’ યોજનાને લાગુ કરવા માટે તમામ પ્રયાસ કરી રહ્યા છે. આ અંગે સીએમ કેજરીવાલે ફરીથી ‘ઘર ઘર રેશન’ યોજનાવાળી ફાઇલ એલજીને મોકલી આપી છે.

‘અમારી યોજના કાયદા પ્રમાણે છે’
અરવિંદ કેજરીવાલે તેમાં લખ્યું છે કે અમારી યોજના કાયદા અનુસાર છે. આ યોજના કેન્દ્ર સરકારના આદેશોનું પાલન કરવા લાગુ કરવામાં આવી છે.

આ સાથે સીએમ કેજરીવાલે કહ્યું હતું કે કોરોના સમયગાળા દરમિયાન આ યોજના બંધ કરવી ખોટું હશે. ત્રણ વર્ષમાં ચાર વખત એલજીને ‘ઘર ઘર રેશન’ યોજનાના કેબિનેટ નિર્ણય અંગે જાણ કરવામાં આવી, પરંતુ એલજીએ ક્યારેય તેનો વિરોધ કર્યો નહીં. ફેબ્રુઆરી મહિનામાં, એલજીએ પણ આ યોજનાને લાગુ કરવાના સૂચનાનો વિરોધ કર્યો ન હતો. એલજીને ખબર હતી કે આ યોજનાને મંજૂરી આપવામાં આવી છે અને તે અમલીકરણની ધાર પર છે.

સીએમ કેજરીવાલે તેમાં લખ્યું છે કે કેન્દ્ર સરકાર દ્વારા ઉઠાવવામાં આવેલા તમામ વાંધા સુધારી દેવાયા છે. તેમણે પૂછ્યું કે 5 વાર સુનાવણી કરવા છતાં હાઈકોર્ટે આ કેસમાં કોઈ સ્ટે મુક્યો નથી. કોર્ટ કેસ દરમિયાન, કેન્દ્રએ ક્યારેય કોઈ મંજૂરી વિશે કહ્યું નહીં, તો પછી આ યોજના કેમ બંધ કરવામાં આવી રહી છે.

નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજ્જુરૉકઝ” વેબસાઇટ કે પેજ ની કોઈ જાત ની જવાબદારી રહેશે નહિ. અમારું પેજ “ગુજ્જૂરૉકઝ” સારા સારા સમાચાર માણતા રહો અને શેર કરતા રહો!